【健康減磅】日常做起四步曲

【健康減磅】日常做起四步曲

【健康減磅】新年期間食多左好多高脂多油食品🧈,係時候要減減磅啦🎛!減肥唔可以操之過急,隨時會適得其反,要減一定要從日常生活入手,今次同大家分享下健康減磅四步曲嘅

第一步 — 充足睡眠🛌

《2020年工作與生活平衡城市》排行榜中,香港成為全球最過度勞累城市🏗,工作時數平均每周約44小時,放工返到屋企都已經8點,仲未計「有返工,冇放工」嘅上班一族🧑🏻‍💼,返到屋企又要沖涼、食飯、做家務,真正可以放鬆嘅時間好少,攪到睡眠時間不斷推遲😴。睡眠不足唔止會直接損害健康,亦會令身體脂肪難以被分解,更會因為捱夜而不自覺食宵夜,愈食愈肥🤰🏻。

第二步 — 多飲水💧。

好多人以為飲水會水腫就怕左飲水,其實飲水有助去水腫排毒,亦可以減肥。每日飲夠8杯水輕鬆「告別」體內多餘脂肪👋,但要留意呢8杯水唔可以係咖啡☕️、汽水、果汁🧃等利尿或高糖飲品,最理想都係飲返溫水💧。


第三步 — 進食速度⏱。

香港人生活節奏急速,往往食飯時間都食得狼吞虎嚥,未有時間慢慢品嚐。進食速度太快,結果大腦未接收到飽嘅信息🧠,不知不覺食多左都唔知。每次用餐時間都唔好少過20分鐘,享受美食之餘,俾大腦有充足時間接收信息💭。


最後一步 — 飲食順序🍽。

每日跟住呢四步曲行,keep住健康體魄同身型。

減肥除左計算卡路里,仲要留意飲食順序,如果次序食得啱,除左可以減肥,仲可以keep住唔肥。第一步食「蔬菜」🥦,靠蔬菜中嘅膳食纖維,令到胃部產生飽足感;第二步食「蛋白質」🥚延長消化所需時間,從而減少進食;第三步食「澱粉質」🍚,由於前面已食各種具飽肚感嘅食物,食量隨之減少,減少卡路里嘅攝取量。

 


發表留言

請注意,留言須先通過審核才會發佈