【按摩肚仔治便秘💩】

Uniquetips, UniqueUs, uniqueus_dtox, 便秘, 便秘按摩, 按摩, 排毒, 排毒瘦身, 減肥, 瘦身 -

【按摩肚仔治便秘💩】

如果大家遇上排便問題,可以試下幫肚仔按摩💁‍♀️以下係小編常用嘅按摩法,今次就開心Share俾大家試試🤩

第一步: 平躺喺地上,兩邊肩膊、頭部同腳掌都貼實喺地面,雙腳微微彎曲。

第二步: 用雙手輕撫腹部,由腰部兩側開始往鼠蹊部一路向下輕揉,重複幾次。

第三步: 雙手交疊,利用指腹以順時針方向輕按腹部,重複數次,幫助糞便喺腸道中往前推進。

第四步: 呢一步係重點!用掌心順時針輕輕擠壓腹部,下壓深度大概3至5 cm,重複幾次。
呢個步驟可以幫助壓碎腸道入面嘅糞便,但可能會有因擠壓帶來嘅不適感,所以擠壓時應依個人感受去調整力道,唔好太大力。

第五步: 呢一步可以幫助腸道排氣,將慣用嗰隻手握實拳頭,拳面朝下,而另一隻手嘅手掌就放喺拳頭上,然後再以順時針方向快速按壓以震動腹部,每次移動距離約兩隻手指幅度,拳與掌必須同步郁動,重複數次。

提提大家健康嘅飲食,以及足夠嘅運動量先係解決便秘嘅不二法門🏃‍♀️希望呢套按摩法可以幫到大家暫時舒緩排便問題啦!


發表留言

請注意,留言須先通過審核才會發佈