【瘦身小貼士：健康零食篇😋】
減肥一刀切唔食零食係冇可能嘅事😫其實一啲低脂、高蛋白質同天然無糖嘅嘢食都適合減緊肥嘅各位做零食㗎！💁♀️今次就Share營養師都推介嘅健康零食，等大家可以開心啲咁減肥🤩
減肥零食1： 無糖乳酪🥛
乳酪含有多種營養素，除咗有助減肥之外，仲對身體有多項益處：
鈣、磷、鎂等多種微量元素 — 對心臟、血壓、血管都有好處，可以提高免疫力。
優質及容易吸收嘅蛋白質 — 有效提高新陳代謝。
益生菌 — 有助保持腸道健康，幫助身體排毒防止便秘。
選擇乳酪時，應該盡量揀原味，無糖及高蛋白質。始終乳酪本身含有糖份，所以建議每日最多食用1份(約200g)乳酪。
減肥零食二： 堅果
核桃、杏仁、開心果、腰果等堅果都可以作為減肥零食。選擇堅果時，應該盡量揀原味，以免額外增加糖及鹽嘅攝取。
堅果仲有多項益處，可以防止大腦退化、降低失智症（Dementia）嘅罹患率、預防心血管疾病，有助降低膽固醇。
但要注意堅果嘅油脂含量豐富，每日食用量唔好超過20g，否則會致肥㗎。
減肥零食三： 低糖水果🥝
要選擇果糖量相對較低嘅水果，例如藍莓、梨、蘋果、奇異果等。🍎
低糖水果唔單止熱量低，仲可以補充人體所需嘅維生素，最啱做減肥零食。
建議每日攝入2份水果(約300g)，不宜過多。
減肥零食四：枝豆
枝豆含有人體必需嘅亞油酸、亞麻酸，可以降低身體入面嘅膽固醇，而且仲含有大量膳食纖維，有效改善便秘。
烹調方法記得使用水煮方法，確保無攝取額外卡路里。除咗枝豆之外，蠶豆都可以作為減肥零食。
提提大家減肥嘅時候，保持健康飲食習慣🍱，以及做足夠嘅運動先可以有效咁瘦身㗎！🏃♀️記得食少啲加工零食啦！