【肌膚脹卜卜小貼士：化妝篇🤫】
相信各位近日其中一樣困擾嘅事就係乾燥帶嚟嘅難上妝，妝容唔貼服問題☹️
今次就俾啲化妝小貼士大家啦！🧖♀️
🔹妝前保濕
唔脫妝同浮粉最關鍵嘅就係取決於妝前動作 – 妝前保濕
👉建議先以化妝水濕敷，或是使用保濕型面膜敷臉，令毛孔收細、面部肌膚喺上妝前補充水分。
如果你嘅膚質比較乾燥，建議做完上述保濕動作後，可以再拍上精華化妝水，咁樣做可以大大提高肌膚穩定度及飽水度，令隨後上妝更貼服自然🥰
🔹上妝
👉建議先將幾滴化妝水底精華液加入粉底液入面，喺手心混和。
另外，上妝用品方面就建議大家使用化妝掃或手指上妝，唔好使用美妝蛋、海綿🙅♀️
因為海綿狀用品多少都會將粉底液中嘅水分吸走，所以用手指或化妝掃上妝就OK啦！
🔹定妝
一般最後定妝嘅步驟都會使用蜜粉按壓完妝，目的係吸收面上多餘油脂，讓容易出油嘅肌膚減少浮粉脫妝。但其實對冬天乾燥嘅肌膚嚟講，咁樣做會容易顯現細紋😲
👉建議使用補濕噴霧、保濕粉餅定妝。有需要先用刷具沾取少量蜜粉輕掃，再使用定妝噴霧完成妝容。
❤️大家不妨都隨身帶住一支細嘅補水噴霧，隨時隨地可以為肌膚快速補濕，Keep住妝容👍
💁♀️希望以上化妝小貼士可以幫到大家啦！